Ehle-wafa

din raat ke aney janey main
dunya ke ajayeb khaney main
kabhi sheshey dhundley hotey hain
kabhi manzer saaf nahin hota
kabhi sooraj baat nahin kerta
kabhi tarey aankh badaltey hain
kabhi manzil peechey rehti hai
kabhi rastey agey chalty hain
kabhi aasain tor nain charti
kabhi hadshey poorey hotey hain
kabhi aankhein dekh nahi sakti
kabhi khawab adhorey hotey hain
yeh sab to sahi hai lakin
aashoob ke manzer namey main
(din raat ke aney janey main)
dunya ke ajayeb khaney hain
kuch saya kerti aankhon ke paiman to dekhaye detey hain
haathoun se agar-che door sahi imkan to dekhaye detey hain
haan, rait ke us darya se udher
ek pairon wali basti ke imkan to dekhaye detey hain
manzil se qoson door sahi
pur-dard sahi, ranjoor sahi
zakhmon se musafir choor sahi
per kis se kahein , aye jan-e-wafa!
kuch ayesey ghao bhi hotey hain, jinhain zakhmi aap nahin dhotey
bin roye huey anso ki tarah, seeney mian chupa ker rakhty hain
aur sari umer nahin rotey
needain bhi muhaya hoti hain, sapney bhi door nahin hotey
kiyun phir bhi jagtey rehtey hain
kiyun sari raat nahin sotey
ab kis se kahein aye jan-e-wafa, yeh ehle-wafa
kis aag main jaltey rehty hain, kiyun bujh ker rakh nahi hotey!