Mere Khuda mujhey itna to mu’atabir ker dey
Main jis makaan main rehta houn usko ghar ker dey

Yeh roshni ke ta’aqub main bhagta hua din
Jo thak gaya ho to ab usko mukhtasir ker dey

Main zindagi ki dua mangney laga houn bohat
Jo ho sakey to duaoun ko be-asr ker dey

Sitara-e-sehri dobney ko aya hai
Zara koi mere sooraj ko ba-khabar ker dey

Mere zameen mera akhri hawala hai
So main rahoun na rahoun, is ko bar.der ker dey

Main apney khawab se kat ker jiyoun to mera Khuda
Ujaar de meri matti ko der-badar ker dey

Be Sociable, Share!

Technorati Tags: , , ,