Urdu nursery rhymes

phw — Sat, 24 Jan 2009 19:13:43 +0000

soooraj jab chupp jata hai

Suraj jab chupp jata hai

chand nikal ker aata hai

shabnum neechey girti hai

sitarey chham chham kerty hain

dadi amma kehti hain

us chaand pe periyan rehti hain

bachey jab sou jatey hain

sapnon main kho jatey hain

paeriyan neechey aati hain

aa ker per phailati hain

aaj raat na souyein gey

chaand ki periyan dekhein gey

chaand ki periyan dekhein gey.

Aalo kacha-lu kahan gaye they

sabzee ki tokri main sou rahey they

baigan ne laat mari rou rahey they

shaljam ne piyar kia hans parey they

Abu laye motor car

jis ke neechey paheye chaar

chaabi se yeh chalti hai

paan paan kerti hai

aagey jaye, peechey jaye

dayein , bayein yeh mur jaye

abu laye motor car…

Bara maheney islami hijri ke yaad rakheyin

soochein samjhein dekhein bhakein in ko na bhoolein

in ko na bhoolein

pehla muharram, doosra safar

in dono ke peechey peechey

rabi-ul-awal, rabi-us-sani, jamadi-ul-awal, jamadi-us-sani

Baqi chaye (6) ki yeh tertieeb

Baqi chaye ki yeh tertieeb

Rajab, shabaan, ramzan, shawal, ziqaad, zilhaj

Bara maheney islami hijri ke yaad rakhein.

Chanda Mama

Aasmaan mein nikle taare
Chandaa maama kitne pyaare.
Sabke man ko bahlaate hai
Nayi chandani chhitkaate hai.

Dekho inki shaan niraali
Soorat kitni bholi bhaali.

Roj savere chhip jaati hai
Jaise humse sharmati hai.

Aao chandaa maama aao
Apne ghar ki baat sunaao

Bul Bul ka bacha
khata tha kichRi
peeta tha paani

gata tha ganey
aik din akela
beTha hua tha
maiN nae uRaya
wapis na aaya
bul bul ka bacha

A Housewife's Weblog » kids poems